ჩანგი ხომ ჩანგია, პოეტების საქებარი მუს. იარაღი, მაგრამ ჩვენში ჩანგი ეწ. თურქ ქალსაც, რომელიც მღერის და ცეკვავს. ეს სიტყვა ნახმარი აქვს გრ, ორბ. - ს: „...ნუხში დიდის ყოფით დაგვხვდა ნუხის ხანი რამაზ თარხანოვი ზურნა - ნაღარით, ზორხანის მოთამაშეებით, მუთრუბებით (მუტრიბნი? - ი. გ.), ჩანგებით და სხვადასხვა მრავალფეროვან შესხმებითა“ (წერ., ტ. II, გვ. 79). რ. ერისთ. - ს თავის ერთ პიესაში მოქმედ პირთა შორის გამოყვანილი ჰყავს „ჩანგი“.
Source: გრიშაშვილი იოსებ, ქალაქური ლექსიკონი: (საარქივო მასალა)/[გამოსაც. მოამზადა რუსუდან კუსრაშვილმა]. – თბ.: სამშობლო, 1997 (სამშობლო). – 304გვ.
to main page 
top of page