აღჯანაბადი

1. სიტყვასიტყვით ნიშნავს „თეთრ ყინვარ შაქარს“, ლედენეც, მოყვითალო ხილია, როცა მწიფდება, ჭიანდება. ხეირობს სპარსეთში. აღჯანაბადს ნედლსაც სჭამენ და გამხმარსაც, მაგრამ გამხმარი უფრო ცნობილიახმარობენ ავადმყოფობისატვის. ხეირობს... ქვეყანაში, სპარსეთში და ერევანში და უყვარს განსაკუთრებული ნიადაგი. „კაი ზაკუსკეული ვიყიდე, ჰამაც ტკბილეული: წუყლი (იხ.), ფსტა (იხ.), აღჯანაბადი“ (ს. ფაშალ., „ნიანგი“, 1936 წ., N 8, გვ. 9).
2. ხმელ ხილთაგანი, ტკბილკურკიანა ჭერამი, გარგარი (საბას-დარანდო, абрикос). „...უგზავნიდა... ხმელ ხილს: ინდის ხურმას, ნუშსა, ქიშმიშსა, აღჯანაბადსა“ („ს. ი. მეჯღან“., I თავი).
   Source: გრიშაშვილი იოსებ, ქალაქური ლექსიკონი: (საარქივო მასალა)/[გამოსაც. მოამზადა რუსუდან კუსრაშვილმა]. – თბ.: სამშობლო, 1997 (სამშობლო). – 304გვ.