სანთი

ხერხი. სანთიანი – ხერხიანი. ამბობენ: სანთიანი ადგილია, სანთიანი ბიჭია და სხვა. „გამგეობას კიდეც ეამება, რომ ყასაბხანა აქ დარჩეს, რაგდან მას არა აქვს ისეთი სანთი და სახერხო ადგილი, როგორიც არის მუხრანსკის მამული იარმუკაში“ („დროება“, 1884 წ., № 3). სანთიანი – მოხერხებული, მარჯვე. თ. სახოკიას ვ. ბარნოვის მოთხრობებში („ფერად – ფერადი“, 1934 წ., გვ. 520), ეს სიტყვა სინათლისაგან ჰგონია წარმოებული და ასე აქვს ახსნილი: „ნათელი, სინათლიანი, მარჯვე“. ეს მარჯვე სწორია, ხოლო პირველი ახსნა ზედმეტია. მოხერხებული (გურიაშიც გმიგონია: „სამთიანი“, „სენთიანი“)