პოლიტიკური ორგანიზაცია „მამული“ („მამული“)

დევიზი: „მთავარი მაინც მამული არის“

პოლიტიკური მიმართულება: ცენტრისტული

საპროგრამო პრიორიტეტები:

ეკონომიკა: სახელმწიფო, კერძო და შერეული საკუთრება. ვგულისხმობთ ისეთი ეკონომიკური სტრუქტურების შემუშავებას, რომელიც დაეყრდნობა ეროვნულ სამეურნეო ტრადიციებსა და მოწინავე, ეკონომიკურად განვითარებული ქვეყნების გამოცდილებას.

საგარეო პოლიტიკა: ურთიერთობის პრინციპად პარტია აღიარებს სახელმწიფო საშინაო საქმეებში ჩაურევლობას, სუვერენიტეტის პატივისცემას, თანასწორუფლებიანობას, ურთიერთხელსაყრელ თანამშრომლობას, უარყოფთ ტერიტორიული და პოლიტიკური დამოუკიდებლობის ხელყოფას. საქართველო უნდა გახდეს სამშვიდობო დემოკრატიული ორგანიზაციების წევრი.

სახელმწიფო ტერიტორიული მოწყობა: დეცენტრალიზებული უნიტარიზმი (რესპუბლიკური ფორმით მოწყობა. მხარეებს უნდა მიეცთ ეკონომიკური თავისუფლება)

სახელმწიფო სისტემის მოწყობა: საპრეზიდენტო

პარტია დაარსდა: 1993 წ., პირველი რეგისტრაცია – 1994 წ., ხელახალი რეგისტრაცია – 1998 წ.

დაარსების ინიციატორები: თეიმურაზ ბობოხიძე, კახაბერ ოქრომჭედლიძე, ზაურ პეტრიაშვილი, ქეთევან ჭაბაშვილი, რამაზ გვარაძე, სპარტაკ ბობოხიძე, გოგი ნარუსლიშვილი, კახაბერ ჩხატარაშვილი.

ორგანიზაციული სტრუქტურა: კონგრესი (მოიწვევა 4 წელიწადში ერთხელ) – ცენტრალური გამგეობა (ირჩევა 4 წლით - 5 წევრი: თეიმურაზ ბობოხიძე – თავმჯდომარე, რამაზ გვარაძე – მოადგილე, გოგი ნარუსლიშვილი - საზოგადოებრივი ურთიერთობები, ქეთევან ჭაბაშვილი, კახაბერ ოქრომჭედლიძე) – თავმჯდომარე (კონგრესი ფარული კენჭისყრით ირჩევს 4 წლით, ბოლოს აირჩიეს 1997 წ.) – რაიონების გამგეობები (ირჩევა 4 წლით - 5 წევრი).

წევრთა რაოდენობა: 5376, აქტიური - 1760. აქვს რეგიონალური (ჩამოყალიბების სტადიაში) და რაიონული ორგანიზაციები (თითქმის ყველა რაიონში).

ახალგაზრდული ორგანიზაცია: პოლიტიკური ორგანიზაცია „მამულის” ახალგაზრდული სექცია. დაარსდა 1995 წ.. გაერთიანებულია 1397 წევრი. არ არის იურიდიული პირი. ლიდერი: ნანა ქადარია. მისამართი: თბილისი, თვალჭრელიძის ქ., 6, ტელ.: 63 75 15; 71 83 83.

1995 წ. საპარლამენტო არჩევნებში მონაწილეობდა დამოუკიდებლად, მიიღო ხმების 0,27%, პარლამენტში წარმომადგენელი არ ჰყავდა.

1995 წ. საპროგრამო პრიორიტეტები: საპრეზიდენტო მმართველობა. დეცენტრალიზებული უნიტარიზმი. სახელმწიფო, კერძო და შერეული საკუთრება. მიწის 50% უნდა გადავიდეს

კერძო საკუთრებაში. ქვეყნის ტერიტორიული მთლიანობა, სუვერენული, დამოუკიდებელი დემოკრატიული სახელმწიფოს შექმნა.

1995 წ. საპრეზიდენტო არჩევნებში პარტია მხარს უჭერდა ედუარდ შევარდნაძეს.

პარტია დღევანდელი ხელისუფლების პოლიტიკურ კურსს მხარს უჭერს ნაწილობრივ - ტერიტორიული მთლიანობის მშვიდობიანი გზით აღდგენაში.

მისამართი: თბილისი, წრომის ქ., 19. ტელ.: 96 29 34; 63 30 63, 71 83 83.

საკონტაქტო პირი: რამაზ გვარაძე – თავმჯდომარის მოადგილე.