არაბი ისტორიკოსი, მოღვაწეობდა ბაღდადსა და აზერბაიჯანში (1244-1323). მისი შრომებიდან აღსანიშნავია „მოკლე კრებული ცნობებისა ლაყაბთა ლექსიკონში“, რომელშიც არასრული სახითაა შემონახული. მასში არის ცნობები თბილისელ მუსლიმანთა შესახებ, რომლებიც მუშაობდნენ მარაღის (აზერბაიჯანი) ობსერვატორიაში. მათ შორის არის თბილისის ყადი, ცნობილი მათემატიკოსი და ასტრონომი ფახრ ალ-დინ ალ-ხილათი.
ლიტ.: ჯაფარიძე გ., XIII საუკუნის თბილელი მეცნიერი მარაღის ობსერვატორიაში, „მაცნე“. ისტორიის, არქეოლ., ეთნოგრ. და ხელოვნ. ისტორიის სერია, 1984, №2, გვ. 99-110.
to main page 
top of page