გერმანელი ლინგვისტ-ორიენტალისტი (1783-1835). პეტერბ. აკადემიის დავალებით მივლინებული იყო კავკასიაში ფილოლ., ეთნოგრ. და ისტ. კვლევისათვის. ჩამოვიდა თბილისში, სადაც დაყო 1808 წ. 13 იანვრიდან ივნისის ბოლომდე. აქედან მთავრობასთან შეუთანხმებლად დადიოდა საქართვ. სხვადასხვა კუთხის გასაცნობად. თბილისის ქართ. საზოგადოება ყოველნაირად ეხმარებოდა მას მეცნ. კვლევაში, რამაც გააღიზიანა მაშინდელი მთავარმართებელი ი. გუდოვიჩი. ივნისში კ. იძულებული გახდა დაეტოვებინა თბილისი. მის წიგნში: „მოგზაურობა კავკასიასა და საქართველოში“ არის თბილისის აღწერა და ისტორიული ნარკვევი. კ-ის ცნობით, თბილისის მოსახლეობა, რუსთა გარნიზონისა და ჩინოვნიკების გამოკლებით, 18.000 სულს შეადგენდა.
ლიტ.: Полиевктов М. А., Европейские путешественники по Кавказу 1800-1830 гг., Tб., 1946 .
to main page 
top of page