სპარსელი ისტორიკოსი (1099-1170). მის მრავალ თხზულებას შორის საინტერესოა მშობლიური ოლქის - ბეიჰაყის ისტორია. ბ. ერთ-ერთი პირველი სპარს. ისტორიკოსია, რ-იც იმდროინდელი ამბების თხრობისას ახსენებს საქართეელოს. ბ-ის ნაშრომიდან ვგებულობთ, რომ თბილისის სამეფო კარზე კარგად იცოდნენ არაბული ენა. 1148 საქართველოს მეფეს − დემეტრე I-ს არაბულ და სირიულ ენებზე შეკითხვები გაუგზავნია სელჩუკთა სულთნისთვის − სანჯარისათვის, რ-საც ბ-თვის დაუვალებია ამ კითხვებზე პასუხის გაცემა.
ლიტ.: კიკნაძე რ., XI-XIII საუკუნეების თბილისის ისტორიიდან, „ისტორიის ინ-ტის შრომები“, 1960, ტ. 5, ნაკვ. 1, გვ. 126-127.
to main page 
top of page