Iulianus, L. Octavius Cornelius Salvius I. Aemilianus

ლუციუს ოქტავიუს კორნელიუს სალვიუს იულიანუს ემილიანუსი, გამოჩენილი იურისტი (დაახლ. 100 წ.), წარმოშობით ჩრდილოეთ აფრიკიდან, მაღალ თანამდებობებზე მუშაობდა მთელს რომის იმპერიაში (ნაცვალი – გერმანიაში, ესპანეთში, აფრიკაში), კონსული (148 წ.), ჰადრიანუსის, ანტონიუს პიუსის, მარკუს ავრელიუსის და ლუციუს ვერუსის მრჩეველი. იავოლენუს პრისკუსის მოსწავლე, საბინიანების უკანასკნელი წინამძღოლი. ჰადრიანუსის დავალებით შეიმუშავა edictum perpetuum Hadriani. შექმნა მნიშვნელოვანი თხზულებები კლასიკურ სამართალწარმოებაში – Digesta 90 წიგნად, რომელიც შეიცავდა მის responsa-ს რომის სამართლის ყველა სახეობებიდან და სფეროებიდან. მისი ავტორობით ცნობილია კომენტარები: Ad Minicium; Ad Urseium Ferocem; De ambiguitatibus