„ცხადი, ნათელი“ პატენტი
I. ფართოდ გამომყენებელი, გამავრცელებელი
II. 1) დოკუმენტი, გაცემული კომპეტენტური სახელმწიფო ორგანოს მიერ, რომელიც მოწმობს: განცხადებული ობიექტის აღიარებას გამოგონებად (სამრეწველო ნიმუშად, სასარგებლო მოდელად), გამოგონების პრიორიტეტს, გამოგონების ავტორობას და განსაკუთრებულ უფლებას. „გამოგონებაზე, რომელიც შესაბამისი უფლებამოსილი ორგანოს მიერ გასაიდუმლოებულია ქვეყნის თავდაცვისუნარიანობიდან გამომდინარე, პატენტს საქპატენტი გასცემს მხოლოდ მისი განსაიდუმლოების შემდეგ, ამ უფლებამოსილი ორგანოს გადაწყვეტილების საფუძველზე“ (საქართველოს საპატენტო კანონი - 1999, მე-7(1) მუხლი); 2) საკონსულო პატენტი – დოკუმენტი, რომელიც ადასტურებს პირის კონსულად დანიშვნას და მის უფლებამოსილებას. „საკონსულო დაწესებულების ხელმძღვანელი თანამდებობაზე დანიშვნისას სამინისტროსგან იღებს წერილობით რწმუნებას – საკონსულო პატენტს“ (საქართველოს კანონი საკონსულო საქმიანობის შესახებ – 2012, მე-8(4) მუხლი)
III. „ავტორს თავისი არჩევანის მიხედვით შეუძლია მოითხოვოს თავისი ავტორობის აღიარება სახელმწიფოსთვის გამოგონებაზე განსაკუთრებული უფლების გადაცემით ან თავისი ავტორობის აღიარება გამოგონებაზე მისთვის განსაკუთრებული უფლების მიკუთვნებით. პირველ შემთხვევაში მას მიეცემა საავტორო მოწმობა, მეორე შემთხვევაში – პატენტი“ (საქართველოს სსრ სამოქალაქო კოდექსი – 1964, 533-ე მუხლი)
to main page 
top of page