officialis

„სამსახურეობრივი, თანამდებობრივი“; ოფიციალური

I. სამსახურთან, მოვალეობის შესრულებასთან დაკავშირებული operae officialia, სამსახურეობრივი საქმეები

II. 1) ხელისუფლების ორგანოს ან თანამდებობის პირის მიერ დადგენილი, გაცემული და გამომდინარე. „საქართველოს კანონი ოფიციალური სტატისტიკის შესახებ“ (2009); 2) რაც ყველა წესის, ფორმალობის დაცვით ხდება. „საკრებულოს თავმჯდომარე: ... გ) ... წარმოადგენს თვითმმართველ ერთეულს და მოქმედებს მისი სახელით ოფიციალური ურთიერთობებისას...“ (საქართველოს ორგანული კანონი ადგილობრივი თვითმმართველობის შესახებ – 2005, 33(3)(გ)-ე მუხლი); 3) ოფიციალური ენა – სახელმწიფოს ძირითადი ენა, რომელიც გამოიყენება კანონმდებლობაში, სამართალწარმოებაში, სწავლებასა და ა.შ. „ამ მუხლის მე-2 პუნქტი განხორციელდება ოფიციალური ენის სწავლის ან ამ ენაზე სწავლებისათვის ზიანის მიყენების გარეშე“ (ჩარჩო კონვენცია ეროვნულ უმცირესობათა დაცვის შესახებ – 1995, მე-14(3) მუხლი)

III. „ყალბად გაკეთება მანდატისა, დადასტურებისა, მოწმობისა, დადგენილებისა და სხვა ოფიციალური აქტისა, რომლითაც დამყარდება, შეიცვლება ან მოისპობა უფლება თუ მოვალეობა...“ (საქ. სსრ სისხლ. სამ. კოდ. – 1922, თავი I, კარი 2, 87; გვ. 23)