Kalendarium

„სესხის ჩანაწერი; კალენდარი“ კალენდარი

I. 1. სესხის ჩანაწერი, სესხის გამცემის სავალო წიგნი (მოვალეები სესხის პროცენტს ყოველთვის პირველ რიცხვში იხდიდნენ);
2. ქონების აღწერა, ქონებრივი მდგომარეობა;
3. ახალშობილთა შესახებ ჩანაწერები;
4. მოგვიანებით – კალენდარი.

II. კალენდარული დღე/თვე/წელი – დროის მონაკვეთი, რომლითაც ხდება საქართველოს კანონმდებლობაში ვადების განსაზღვრა. „მოიჯარის გარდაცვალების შემთხვევაში როგორც მის მემკვიდრეებს, ისე მეიჯარეს შეუძლიათ საიჯარო ურთიერთობა მოშალონ კალენდარული წლის დამთავრებიდან ექვსი თვის ვადაში“ (საქ. სამ. კოდ. – 1997, 590(1)-ე მუხლი)

III. „სამუშაოზე გამოუცხადებელი მუშაკის შესაცვლელად სხვა სამუშაოზე გადაყვანის ხანგრძლივობა არ უნდა აღემატებოდეს ერთ თვეს კალენდარული წლის განმავლობაში“ (საქ. სსრ. შრომის კანონთა კოდექსი – 1973, 27(3)-ე მუხლი)