defendere

I. სასამართლოში მოსარჩელის წინააღმდეგ საკუთარი (d. propriam rem) ან სხვისი (d. alienam rem) საქმის დაცვა. ასეთი დაცვისათვის (defensio) აუცილებელი იყო სასამართლოში გამოცხადება, კითხვებზე პასუხი, სათანადო გარანტიების წარმოდგენა და სხვ. ლიტისკონტესტაციის (დავის დამოწმების) საპროცესო ხასიათთან დაკავშირებით სასამართლო დავის დადგენისათვის საჭირო იყო აქტიური მონაწილეობა მოპასუხისა, თუმცა ეს იყო ნებაყოფლობითი; მოპასუხის უარის შემთხვევაში არ შეიძლებოდა მისი იძულება, მაგრამ მის მიმართ გამოიყენებდ122 ნენ სხვადასხვა სამართლებრივ სანქციებს, რამდენადაც ის ხდებოდა indefensus „დაუცველი”