[*ექჰუმა´ტიო/ექსჰუმა´ციო]
„მიწიდან ამოღება (ცხედრის)” ექსჰუმაცია
I. საკმაოდ ხშირად გამოიყენებოდა ინტერდიქტულ სამართალში
II. საფლავიდან გვამის ამოღება სასამართლო-სამედიცინო ან კრიმინალისტიკური ექსპერტიზის მიზნით. „ამ თავის შესაბამისად, საერთაშორისო სასამართლოს- თან თანამშრომლობა უნდა მოიცავდეს სტატუსითა და საქართველოს კანონმდებლობით გათვალისწინებული ნებისმიერი საპროცესო მოქმედების შესრულებას ... ასეთ საპროცესო მოქმედებებს განეკუთვნება: მ) ექსჰუმაციის ჩატარება...” (საქართველოს კანონი სისხლის სამართლის საერთაშორისო სასამართლოსთან საქართველოს თანამშრომლობის შესახებ – 2003, 32(მ)-ე მუხლი)
III. „სასამართლო განხილვისა და სააპელაციო წარმოების სტადიებზე მტკიცებულებათა შეკრება სასამართლოს შეუძლია დაავალოს გამომძიებელს ან პროკურორს, თუ ამისათვის საჭიროა ჩხრეკა, ამოღება, გვამის ექსჰუმაცია ან სხვა საგამოძიებო მოქმედება, რომლის ჩატარებაც სასამართლო სხდომაზე ვერ ხერხდება.” (საქ. სისხ. სამ. საპრ. კოდ. – 1998, 128(4)-ე მუხლი)
Source: ლათინური იურიდიული ტერმინოლოგია. ალექსიძე ლევან, გაგუა იამზე, დანელია მაია, კობახიძე ეკატერინე, რუხაძე ნინო. რედ.: გაგუა იამზე; რეცენზ.: ტონია ნანა, ბოსტოღანაშვილი დავით. /პროექტი განხორცილედა: შოთა რუსთაველის ეროვნულ სამეცნიერო ფონდში მოპოვებული გრანტის №11/30 მეშვეობით. ივანე ჯავახიშვილის სახელობის თბილისის სახელმწიფო უნივერსიტეტის ბაზაზე./ გამომცემლობა: მერიდიანი, 2015; ISBN 978-9942-25-036-1.
to main page 
top of page