ძმანები

„ძმანები“ ძმების მნიშვნელობით მეტყველებაშიც გაისმის და ხალხური ნათქვამიც არის: „გაზაფხულისა ნათესი ციცხვით გაიყვეს ძმანებმა“-ო.

იმერულ მეტყველებაში, როგორც შ. ძიძიგური წერს: „გავრცელებულია ძმანები, დანები. როგორც ცნობილია, ამ ფორმებში არქაული ფუძეა ძმან, დან, მრავლობით რიცხვში შემონახული“ (შ. ძიძიგური, „ძიებანი...“).

„ძმან“ ფუძე შემონახულია გვარშიც: ძმანაშვილი. (არის ძამანაშვილიც).