ძილისგუდა

ტყაპუნა პეპელას ჭუპრი. ტყაპუნა ღამის პეპელაა, შავი, ფართოფრთიანი. ფრთების ტყაპუნით დაფრინავს. მისი ჭუპრი გამძლე და უხეშია მოყვანილობით მართლაც გუდას ჰგავს. ამ გუდაში სიცოცხლეს სძინავს, სანამ დრო დაუდგება და გაიღვიძებს.

„ძილისგუდა“ ქიზიყურ მეტყველებაშიც ყოფილა. სტ. მენთეშაშვილი თავის ლექსიკონში ამბობს: „ერთგვარი მწერი ტყეში ხის ტოტზე კვერცხს დადებს და გარშემო პარკსავით შემოაკრავს“. ტყაპუნა, ალბათ, ამ „ერთგავრი მწერის“ სახელია.