ბიოგრაფიული ინტერვიუ

სიღმისეული ინტერვიუს ნაირსახეობა, რომელიც მიზნად ისახავს რესპონდენტის ცხოვრების (ბიოგრაფიის) ქრონოლოგიურ რეკონსტრუქციას, რათა შესწავლილ იქნეს ამა თუ იმ სოციალური პრობლემის გავლენა ინდივიდის ცხოვრებაზე, მის მიერ ამა თუ იმ მოვლენების გააზრება და შეფასება, და სხვ. ბიოგრაფიულ ინტერვიუსა და „ცხოვრების ისტორიას“ შორის ბევრია საერთო, თუმცა პირველი განსაკუთრებით ფართოდ გამოიყენება ევროპაში, კერძოდ – გერმანიაში, ხოლო მეორე – აშშ-ში.