წესებისა და კანონების შესაბამისად სტრუქტურირებული მთელი, რომელიც შედგება ურთიერთდამოკიდებული ელემენტებისაგან და რომელთაგან თითოეულს (ამ მთელში) მინიჭებული აქვს თავისი განსაზღვრული ადგილი. წესრიგი რაციონალური სტრუქტურაა. პოლიტიკური წესრიგი შესაძლებელია განიმარტოს, როგორც პოლიტიკური მმართველობის შედეგად ჩამოყალიბებული საზოგადოებრივი წესრიგი. ჭეშმარიტი წესრიგი − ეს არის რეალიზებული წესრიგი. მხოლოდ იქ, სადაც ადამიანი საზოგადოების დანარჩენ წევრებთან ერთად ესწრაფვის წესრიგის შესახებ საზოგადოებაში არსებული წარმოდგენების განხორციელებას, ხდება წესრიგის რეალიზაცია. წესრიგი არის მხოლოდ იქ, სადაც ადამიანი მზადაა იმოქმედოს დამოუკიდებელი პასუხისმგებლობით. წესრიგის პრობლემა საბოლოოდ არის ადამიანური პრობლემა. წესრიგი არ არის საზოგადოების შიშველ-ორგანიზაციული ფორმა: იგი არის თავისუფლებისა და ძალაუფლების საზომი. სწორედ წესრიგის ასეთ გაგებას ეფუძნება ფედერალური ფილოსოფია.
Source: ხუბუა, გიორგი. ფედერალიზმი როგორც ნორმატიული პრინციპი და პოლიტიკური წესრიგი: [იურიდ. ფაკ. სტუდ. / რედ.: გიორგი ინწკირველი] - თბ., 2000
to main page 
top of page