ამ შეხვედრას ტვინის შტურმის შეხვედრასაც უწოდებენ. ჯგუფი უპირისპირდება პრობლემას და ალტერნატიული გადაწყვეტების მოძიებას ცდილობს:
• როგორ შევამციროთ სატელეფონო საუბრების სიხშირე და ხანგრძლივობა?
• როგორ დავამარცხოთ „ქაღალდომანია?“
• როგორ შეგვიძლია, ამა თუ იმ პროდუქტის გასაღება გავზარდოთ?
• რა უნდა გაკეთდეს, რომ სემინარები საინტერესო გახდეს მონაწილეთათვის?
• რა შეგვიძლია გავაკეთოთ, რათა ამა თუ იმ პროდუქციის წარმოებისას წუნის რაოდენობა ნულს მივუახლოვოთ?
ტვინის შტურმის შეხვედრის ეფექტიანობისათვის დაცული უნდა იყოს შემდეგი წესები:
• გამორიცხულია ნებისმიერი სახის კრიტიკა;
• საუბარი უნდა მიდიოდეს თავისუფლად, გამორიცხულია საკუთარი აზრების კრიტიკაც;
• სხვათა აზრები მიღებული უნდა იყოს და შესაძლებელია მათი განვითარება;
• პრობლემა განხილული უნდა იყოს ბევრი სხვადასხვა კუთხით;
• ვინაიდან იდეების რაოდენობას დიდი მნიშვნელობა აქვს, მონაწილეებმა არ უნდა იზრუნონ მათ დასაბუთებასა და თავის გამართლებაზე. იდეები მოკლედ უნდა იყოს ფორმულირებული და სწრაფად უნდა მისდევდეს ერთმანეთს.
• ჯგუფის რომელიმე წევრი წერილობით უნდა აფიქსირებდეს იდეებს ყველას თვალწინ. მოგვიანებით ეს იდეები, შესაძლოა, კატეგორიებად ან კლასებად დაიყოს. ეს აადვილებს შემდგომ ნაბიჯს - შეფასებას, რომელიც შემდგომი შეხვედრის თემა იქნება.