შესრულების შეფასება

ერთ-ერთი ყველაზე მნიშვნელოვანი ორგანიზაციული პროცედურა. წელიწადში ერთხელ, წლის ბოლოს ტარდება. ამ პროცედურაში ორგანიზაციის პრაქტიკულად ყველა თანამშრომელია ჩართული. შესრულების შეფასებას, ჩვეულებრივ, ინტერვიუს სახე აქვს, რომელსაც თანამშრომელს მისი უშუალო ხელმძღვანელი უტარებს. ინტერვიუს პროცესში თანამშრომლის მიერ წლის განმავლობაში ჩატარებული სამუშაო გაანალიზდება, რის შემდეგ ხელმძღვანელის შეფასება სპეციალურ დოკუმენტში ფიქსირდება. დოკუმენტს ხელს აწერს როგორც შემფასებელი, ასევე თანამშრომელი. თანამშრომლის ხელმოწერა, როგორც წესი, იმ ფაქტს ადასტურებს, რომ იგი შეფასებას გაეცნო (და ამ შემთხვევაში არ მოითხოვება მისი თანხმობა შეფასებაზე). ზოგჯერ შეფასებას ხელს შემფასებლის უშუალო ხელმძღვანელიც აწერს.