გაეროს მანდატით გათვალისწინებული სამშვიდობო ოპერაციები. სამშვიდობო ძალები ატარებენ სამხედრო ოპერაციებს, აგრესიის უვნებელსაყოფად და სტატუს ქვოს შესანარჩუნებლად. „მშვიდობის იძულების“ ეფექტური მაგალითი გახდა ერაყის წინააღმდეგ ჩატარებული სამხედრო ოპერაცია, ცნობილი „უდაბნოს ქარიშხლის“ სახელწოდებით. მის შედეგად აღდგა ქუვეითის დამოუკიდებლობა, რომელიც ერაყს ჰქონდა დაპყრობილი აგრესიის, არაპროვოცირებული ომის შედეგად. ყოველივე ამის შედეგად არსებითად შეიზღუდა სადამ ჰუსეინის რეჟიმის უნარი ისევ გაამწვავოს სამხედრო-პოლიტიკური ვითარება რეგიონში.
Source: სანიკიძე, გიორგი, კიღურაძე, ნინო. თანამედროვე საერთაშორისო ურთიერთობები: მსოფლიო პოლიტიკის გლობალიზაცია: [სახელმძღვ. სოციალ. მეცნ. მაგისტრანტებისათვის / რედ.: ლია კაჭარავა]; ფონდი ღია საზოგადოება - საქართველო - თბ. : მერიდიანი, 2001