რისკების მართვის სისტემის მუდმივი მოდიფიკაცია

რისკების მართვის სისტემა ადაპტირებადი უნდა იყოს სამეწარმეო საქმიანობის პროცესში გარემო ფაქტორების ცვლილებისადმი და უნდა განიცდიდეს მუდმივ მოდიფიცირებას მიღებული ინფორმაციული ნაკადების ადეკვატურად. სამეწარმეო საქმიანობის სუბიექტი რთული და დინამიურად ცვალებადი სტრუქტურაა და შესაბამისად მართვის ნებისმიერი მეთოდი დროდადრო ძველდება, ამიტომ რისკების მართვის სისტემა მოქნილი უნდა იყოს. რისკების მართვის ბოლო კომპონენტია მონიტორინგი და კონტროლი. მონიტორინგით ახორციელებენ რისკების დიაპაზონის პერიოდულ შემოწმებას, რათა მან არ გადააჭარბოს დასაშვებ ზღვარს, კონტროლი კი მიმართულია აქტიური მოქმედებებისაკენ აღმოჩენილი ხარვეზების გამოსასწორებლად.