მეტაბოლიზმი არქიტექტურაში

XX ს-ის 60-იან წწ „საერთაშორისო სტილის“ კრიზისის ხანაში, მსოფლიოს ბევრ ქვეყანაში დაიწყეს ახალი გზების ძიება ჩიხში შესული არქიტექტურის გადასარჩენად. იაპონიაში ხუთი არქიტექტორის მიერ დაწყებულმა ძიებებმა საფუძველი ჩაუყარა ახალ მიმართულებას არქიტექტურაში, რომელიც „მეტაბოლიზმის“ სახელით დამკვიდრდა. ხუთეულის პირველი განაცხადი იყო 1960 წელს დიზაინის საერთაშორისო კონფერენციაზე, სადაც საკუთარი კონცეფცია წარუდგინეს საზოგადოებას. მეტაბოლიზმის ფუძემდებლები იყვნენ: კ. კიკუტაკე, კ. კურიკავა, ფ. მაკი, მ. ოტაკა და ნ.კაგაზიე. 1964 წელს მათ შეუერთდნენ კ. ტანგე და ა. ისიმაკი, ამის შემდეგ ისინი „7 მეტაბოლისტის“ სახლით გახდნენ ცნობილნი. პირველი რეალიზებული პროექტები კი 1970 წელს „EXPO-70“ გამოფენაზე წარადგინეს - ტაკარა ბუტილიონისა და ტოშიბას პავილიონების სახით.