ცინიკოსები

ფილოსოფოსთა ჯგუფი, დააარსა ანთისტენემ (436-366 წწ. ჩვ. წ.აღ.-მდე). სიტყვა ცინიკოსი „ძაღლს“ ნიშნავს. სახელწოდება იქიდან მომდინარეობს, რომ ამ ფილოსოფიის მიმდევარნი მაწანწალა ძაღლებივით ცხოვრობდნენ. გარდა ამისა, ისინი „ცინოსარგად“ წოდებულ ადგილას (kunòsarghes) იკრიბებოდნენ, ათენის კედლებს გარეთ, ილისეს ნაპირზე უცხოელ სტუდენტათვის არსებულ სკოლაში. ეს ფილოსოფოსები თვლიდნენ, რომ ადამიანის სიკეთე „სიქველეში“ მდგომარეობს, რაც ცხოვრებისეულ სიამოვნებათა და კომფორტისგან სრულ დაცილებას ნიშნავს. არ მისდევდნენ დოქტრინალურ დისკუსიასა თუ კვლევას და ასკეტური ცხოვრებით კმაყოფილდებოდნენ. ცინიკოსები იყვნენ კრათეტე, მეტროკლე, იპარკია. ყველაზე ცნობილი ცინიკოსი იყო დიოგენე სინოპედან (413-323 წწ. ჩვ. წ. აღ.-მდე). ის აცხადებდა, რომ არაფერი ესაჭიროებოდა, მთელ საბერძნეთში მოგზაურობდა ყველაფრისაგან თავისი განდგომის თვალნათლივ საჩვენებლად; ცხოვრობდა ღვინის ცარიელ კასრში და აბუჩად იგდებდა ბერძნულ ცივილიზაციას. ამის გამო მას „შეშლილი სოკრატე“ უწოდეს. დიოგენე „მსოფლიოს მოქალაქედ“ თვლიდა თავს.