ტერმინი ფილოსოფიური სკოლის დამაარსებელს, II საუკუნეში მცხოვრებ ალექსანდრე აფროდისიელს უკავშირდება. შუა საუკუნეების შემდეგ ექსტრასქოლასტიკური არისტოტელიზმის ცენტრად პადუის უნივერსიტეტი იქცა, რომელშიც ავეროიზმის დოქტრინები დომინირებდა (ერთადერთი და განცალკევებული ინტელექტის, სამყაროს მარადიულობის, ბუნების მეცნიერების და ა.შ. დოქტრინები). ყველაზე რადიკალური ალექსანდრიზმის პოზიცია იყო, რომელიც უარყოფდა ერთადერთ ინტელექტს, ადამიანის ინტელექტი კი სხეულზე დამოკიდებულ გრძნობამდე დაჰყავდა. ალექსანდრისტული არისტოტელიზმის ცენტრი ბოლონიაში მდებარეობდა.
Source: ფილოსოფიის ისტორია ტ. II/ შეადგინა ივან მარტინიმ M. I.; [იტალ. თარგმნა მარიკა სააკაშვილმა; რედ. ზაზა შათირიშვილი; სულხან-საბა ორბელიანის სახელ. თეოლ., ფილოს., კულტ. და ისტ. ინ-ტი] - [თბ., 2008]