დანაკლისი

ინვენტარიზაციის შედეგად გამოვლენილი სასაქონლომატერიალური ფასეულობების ნაკლებობა. ისეთ ფასეულობათა ნაკლებობის აღმოჩენისას, რომელთა ინვენტარიზაცია ფიზიკურად შეუძლებელია (მაგ.: გაზი, წყალი, თბოენერგია) და ვერ დგინდება დებიტორი ან/და მიმთვისებელი, დანაკლისად ჩაითვლება სხვაობა შეძენილ და რეალიზებულ სასაქონლომატერიალურ ფასეულობას შორის. თუ უფლებამოსილი ორგანოს მიერ დადგენილია დანაკარგის მაქსიმალური ზღვრული ოდენობა, დანაკლისად ჩაითვლება ამ ოდენობაზე მეტი ნაკლებობა (მაგალითი: თუ პურის საცხობის დანაკლისის დასაშვები ოდენობაა 1 ტომარა ყოველ 25 ტომარა ფქვილზე და მას 25 ტომარა ფქვილზე დანაკლისი აღმოაჩნდა 3 ტომარა ფქვილი, მაშინ მის დანაკლისად ჩაითვლება 2 ტომარა).