მძლეოსნობა

სპორტის სახეობა, რომელიც აერთიანებს ვარჯიშებს სიარულში, რბენებში, ხტომებსა და ტყორცნებში. მათი მრავალფეროვნება და დატვირთვის დოზირების ცვლა საშუალებას იძლევა, რომ ისინი წარმატებით გამოვიყენოთ ყველა ასაკისა და სქესის მოსწავლეებთან. ამ ვარჯიშთა უმრავლესობა თავისი ტექნიკით მარტივია, ადვილია შესასწავლად და შესაძლებელია შესრულდეს სკოლის უმარტივეს მოედნებსა და ადგილებზე. მძლეოსნური ვარჯიშები საუკეთესო საშუალებაა მოსწავლე-ახალგაზრდობის ფიზიკური აღზრდის, შრომისა და სამშობლოს დაცვისათვის მათი მომზადების საქმეში.