ნეტარი იერემია ვალახიიდან

(1556 - 1625) დაიბადა 1556 წლის 29 ივნისს, ჩრდილოეთ მოლდოვის ქალაქ სასკაში, მეტად ღვთისმოყვარე ოჯახში. ნათლობისას მას მიენიჭა სახელი იონი. იგი იყო უბრალო, სამართლიანი და ღვთისმოშიში ადამიანი.
18 წლის იონი იტალიაში გაემართა, რათა რწმენაში გაძლიერებულიყო. 1578 წელს მან მიაღწია ნეაპოლს და შევიდა კაპუცინურ მონასტერში (კაპუცინები კათოლიკე ბერების ორდენია, რომელიც განშტოებაა წმ. ფრანცისკ ასიზელის მიერ დაარსებული ფრანცისკანული ორდენისა). სწორედ იქ დაირქვა მან რელიგიურ სახელად იერემია.
40 წლის განმაბლობაში ძმა იერემია დიდი სათნოებითა და თავგანწირვით თანაუგრძნობდა დავრდომილებს ნეაპოლში. იგი მეგობრობდა ყველასთან: როგორც პატარებთან, ისე დიდებთან, ღარიბებთან და მდიდრებთან, ჯანმრთელებთან და ავადმყოფებთან.
იერემია გარდაიცვალა 1625 წლის 5 მარტს ნეაპოლში. იგი ნეტარად შეირაცხა პაპ იოანე პავლე მეორის მიერ 1983 წლის 30 ოქტომბერს.
იგი ცნობილია, როგორც ნეტარი იერემია ვალახიიდან და მოიხსენიება კათოლიკური ეკლესიის მიერ ყოველ 8 მაისს.