ადეკვატური პიროვნული თვითშეფასება

ადეკვატური პიროვნული თვითშეფასების მქონე ადამიანი, როგორც წესი, სწორედ აფასებს საკუთარ საქციელს კონკრეტულ სიტუაციაში. არაადეკვატური თვითშეფასებისას კი ადამიანმა შეიძლება არასწორი ახსნა მისცეს თავის მოქმედებას. თუმცა, თუ იგი გარშემომყოფთა გავლენით სწორად გაანალიზებს საკუთარ საქციელს, ამან შეიძლება დადებითად იმოქმედოს მისი საერთო პიროვნული თვითშეფასების ჩამოყალიბებაზე. როდესაც ნაცნობ-ახლობლები გამუდმებით უქებენ ბავშვს საქციელს, ნიჭს, გამჭრიახობას და ა.შ., მას შეიძლება გადაჭარბებული, გაზვიადებული წარმოდგენა შეექმნას საკუთარ თავზე. და პირიქით, თუ გარშემომყოფები განუწყვეტლივ აძაგებენ ბავშვის მოქმედებას, არასათანადოდ აფასებენ მის შესაძლებლობებს, ამან შეიძლება ბავშვში არაადეკვატური, შემცირებული თვითშეფასება გამოიწვიოს.