1. მონაცემები, რომელიც შეიძლება ასოცირებულ იქნეს კონკრეტულ კერძო პირთან და რომლიდან გამომდინარეც შესაძლებელია რაიმე დასკვნის გამოტანა ამ პირთან დაკავშირებით. მონაცემები ინარჩუნებენ ზემოხსენებულ თვისებას მათი დამუშავებისას, ვიდრე მათი კავშირი კონკრეტულ პირთან შეიძლება იქნეს აღდგენილი. კანონი პასუხობს ევროგაერთიანების მიერ 1995 წლის 24 ოქტომბერს მიღებული დირექტივის მოთხოვნებს და ითვალისწინებს სპეციალური მონაცემების ცნებასაც, მიუხედავად იმისა, რომ თავად კანონი მიღებულია დირექტივის გამოცემამდე სამი წლით ადრე.
2.პერსონალური მონაცემები, რომლებიც უკავშირდება პირის რასობრივ წარმომავლობას, ეროვნებასა და ეთნიკურ კუთვნილებას, პოლიტიკურ შეხედულებებს ან პარტიულ კუთვნილებას, რელიგიურ ან სხვა შეხედულებებს (მუხლი 2(2)(ა)), აგრეთვე, ისეთი მონაცემები, რომლებიც ეხება პირის ჯანმრთელობის მდგომარეობას, არანორმალურ დამოკიდებულებას (ნარკოტიკული ან ალკოჰოლური), სქესობრივ ცხოვრებას ან ნასამართლობას (მუხლი 2(2)(ბ)).
Source: პერსონალური მონაცემების დაცვა. [რედაქტორი: ხათუნა ყვირალაშვილი] / საქართველოს ახალგაზრდა იურისტთა ასოციაცია/ – 2007
to main page 
top of page