როგორც ზოგადი ტერმინი, გამორჩეული მნიშვნელობისაა. უსაფრთხოება ნიშნავს გადარჩენას ექსისტენციურ საფრთხეთა წინაშე. ეროვნული უსაფრთხოება, როგორც წესი, აღქმულია სახელმწიფოსა და საზოგადოების სასიცოცხლო ინტერესთა გადარჩენის საშუალებად ან პირობად. ტრადიციული განმარტებით, რომელიც არნოლდ ვოლფერსიდან მოდის, უსაფრთხოებაში იგულისხმება „საშინაო“ – ეროვნულ და საზოგადოებრივ – ღირებულებათა დაცვა. მარტინ ედმონდსის სიტყვებით, უსაფრთხოება საშუალებაცაა და მიზანიც. ამ უკანასკნელში იგი გულისხმობს პირობას, რომელიც საზოგადოებისათვის აუცილებელია და ღირებული. მისი თქმით, არმიისა თუ პოლიციის არსებობა უკავშირდება საზოგადოებაში დაცულობის, უსაფრთხოების განცდას; მათი „გვერდით ყოფნა“ არის აღქმითი ღირებულება, რომელსაც საზოგადოება პრიორიტეტს ანიჭებს.
Source: სამხედრო-სამოქალაქო ურთიერთობები : თეორიული საკითხები და საქართველოს მაგალითი / მშვიდობის, დემოკრატიისა და განვითარების კავკას. ინ-ტი; [შემდგ.: გია ნოდია, დავით დარჩიაშვილი ; რედ.: ზეინაბ სარაძე] - თბ. : CIPDD, 2000