სტატუსი

1. (ლათ. status მდგომარეობა) - სამართლის სუბიექტის სამართლებრივი ნორმებით დადგენილი მდგომარეობა, მისი უფლებებისა და მოვალეობების ერთობლიობა.
   Source: ჩვენი კონსტიტუცია : საქართველოს კონსტიტუცია : გამოცემა მოზარდებისათვის [ქართ. და რუს. ენ / სარედ. ჯგუფი: ლალი გზირიშვილი, თამარ დემეტრაშვილი, მერაბ ბასილაია და სხვ.] - თბ. : ფონდი Alpe, 2005.,

2. საკანონმდებლო ორგანოს მიერ მიღებული კანონი, როგორც შტატის ისე ფედერალურ დონეზე.
   Source: ნარინდოშვილი მალხაზ. რელიგიის თავისუფლება / [ავტ.: მალხაზ ნარინდოშვილი, ვანო გოგელია, თათია ჯულაყიძე და სხვ. ; შემდგ.-რედ.: გიორგი მელაძე ; რედ.: ნოდარ ლადარია] ; თავისუფლების ინ-ტი - თბ., 2004
3. აღნიშნავს არა მხოლოდ ადამიანის სოციალურ მდგომარეობასა და იმ ფუნქციას, რომელსაც მოხელე ასრულებს სახელმწიფოებრივ ინსტიტუციებში, არამედ გაცილებით მეტს: იგი ერთგვარ პოლიტიკურ-მეტაფიზიკურ კოსმოგონიაში მონაწილეობის სიმბოლოა, მას ისეთივე მნიშვნელობა აქვს მოხელისათვის და მის არსებობას ისევე ანიჭებს მითოლოგიურ საზრისს, როგორც – სამიტინგო თრობა საშუალო-ყოველდღიურ ადამიანს. ამასთან, მოხელის ტკბობა უფრო ხანგძლივია და თანამდებობრივ საფეხურებადაა არტიკულირებული.
   Source: ქართული პოლიტიკის თეატრალური დიალექტიკა: წერილები/ ზაზა ფირალიშვილი // იაკობაშვილი-ფირალიშვილი ლელა. წერილები ქართულ იდენტობაზე / ლელა იაკობაშვილი-ფირალიშვილი. ქართული პოლიტიკის თეატრალური დიალექტიკა: წერილები / ზაზა ფირალიშვილი; [რედ. სესილი ძებნიაური] - თბ. : CISS: მერაბ მამარდაშვილის სახელ. ქართ. კლუბი, 2007