ტერმინი შესაბამის საერთაშორისო დოკუმენტებში კონკრეტულად განსაზღვრული არ არის, მაგრამ მისი არსის გაგება გარკვეულწილად შესაძლებელია კონტექსტიდან გამომდინარე. ადამიანის უფლებათა საყოველთაო დეკლარაციის 25-ე მუხლში ეს ტერმინი ნიშნავს „ცხოვრების ისეთ დონეს, საკვების, ტანისამოსის, საცხოვრებლის, სამედიცინო და საჭირო სოციალური უზრუნველყოფის ჩათვლით, რომელიც აუცილებელია მისთვის და მისი ოჯახის ჯანმრთელობის და კეთილდღეობის შესანარჩუნებლად“; ხოლო ეკონომიკურ, სოციალურ და კულტურულ უფლებათა საერთაშორისო პაქტის მე-11 მუხლში იგი მოიცავს „სათანადო კვებას, ტანისამოსს და საცხოვრებელს“; ხოლო ბავშვს აქვს უფლება „ცხოვრების დონეზე, რომელიც აუცილებელია ბავშვის ფიზიკური, გონებრივი, სულიერი, ზნეობრივი და სოციალური განვითარებისათვის“ (ხაზგასმა დამატებულია).
Source: ეკონომიკური, სოციალური და კულტურული უფლებები = Economic, Social and Cultural Rights : სახელმძღვ. / რედ.: ასბორნ ეიდე, კატარინა კრაუზე, ალან როსას ; თარგმანი ნანა ჯაფარიძე-ჭყოიძისა - მე-2 განახლ. გამოც. - [თბ., 2006]