მასონობა

დახურული ტიპის ორგანიზაციების საერთო სახელი. ეს ორგანიზაციები ერთმანეთთან საერთო მმართველი რგოლით დაკავშირებული არ არიან. დიდი ხნის განმავლობაში ორგანიზაციის წევრებად მხოლოდ ქრისტიან მამაკაცებს იღებდნენ. სხვადასხვა დროს და სხვადასხვა ქვეყნებში მათ განსხვავებული პრიორიტეტები და მიზნები ჰქონდათ. მაგალითად, ითვლება, რომ შოტლანდიური მასონთა ლოჟა განსაკუთრებით რელიგიური ხასიათისაა, ფრანგული კი ხაზგასმით ათეისტური. მასონებმა დიდი წვლილი შეიტანეს მსოფლიოში დიქტატორული რეჟიმების დამხობასა და დემოკრატიული სისტემების ჩამოყალიბებაში. ცნობილი მასონები: გოეთე, მოცარტი, ლესინგი, ბეთჰოვენი, ლინკოლნი, პუშკინი, ჩერჩილი და ა.შ.