ეკონომიკური, სოციალური და კულტურული უფლებების საკითხთა კომიტეტი

პირველად 1987 წელს შეიკრიბა. სხვა კომიტეტებისგან განსხვავებით, იგი არ შექმნილა შესაბამისი პაქტის - ეკონომიკურ, სოციალურ და კულტურულ უფლებათა პაქტის (1996) – საფუძველზე. უფრო სწორედ, იგი ჩამოყალიბდა 1985 წელს ეკონომიკური და სოციალური საბჭოს მიერ პაქტის განხორციელების მონიტორინგში დახმარების მიზნით. ეს მოხდა „მას შემდეგ, რაც დადასტურდა პაქტის მონიტორინგის წინა ორი უწყების არც თუ ისე იდეალური მუშაობა“ (ფაქტების ფურცელი №16, გვ. 19). კომიტეტი შედგება თვრამეტი წევრისგან, რომლებსაც ოთხი წლით ირჩევს ეკონომიკური და სოციალური საბჭო. არჩევნები იმართება ყოველ ორ წელიწადში. სხვა კომიტეტების მსგავსად, ამ კომიტეტის წევრთა შეხვედრებიც ჟენევაში ეწყობა.