ტექნოლოგია

სისტემა, რომელიც: ა) წარმოადგენს გარკვეულ ობიექტებზე, ელემენტებზე, ნივთიერებებზე, ენერგიაზე, ინფორმაციაზე განხორციელებული მიმდევრობითი, პარალელური და/ან კომბინირებული მოქმედებების, პროცედურების, ოპერაციების ერთობლიობას; ბ) ეყრდნობა გარკვეულ პრინციპებს, ცნებებს, მიდგომებს, ხერხებს, მეთოდებს, წესებს; გ) მოითხოვს გარკვეულ ჩვევებს, ცოდნას, უნარს, ხერხებს, საშუალებებს, ხელსაწყოებს, რესურსებს, იარაღს; დ) ხასიათდება მთლიანობით, კონცეპტუალობით, გამიჯვნით, სტრუქტურით, შიდა ურთიერთკავშირით, ურთიერთკავშირით გარე სამყაროსთან, სინქრონიზებულობით, გეგმაზომიერებით, რეალიზებადობით; ე) ექვემდებარება კონტროლს, შეფასებას, კორექტირებას, კოორდინაციას, რაციონალიზაციას; ვ) მიჰყავს გარკვეული მიზნების მიღწევამდე, გარკვეული ამოცანების გადაწყვეტამდე. ნებისმიერი სახის ტექნოლოგია და/ან მისი ნაწილი წარმოადგენს გარკვეულ სისტემას, მაგრამ არა ყოველი სისტემა წარმოადგენს ტექნოლოგიას.