1 2 3 4 5 6 7 8 9
A B C D E F G H I J K L M N O P Q R S T U V W X Y Z

მა მგ მდ მე მთ მი მკ მმ მნ მო მრ მს მტ მუ მყ მშ მც მძ მწ მხ
მრა მრე მრწ

მრეწველობა გადაარჩენს საქართველოს - ქალთა კლუბი

ეს კლუბი პარტიის დაარსებისთანავე 1999 წელს ჩამოყალიბდა. კლუბს საკუთარი ორგანიზაციული სტრუქტურა აქვს და წარმოდგენილია პარტიის ცენტრალურ, რეგიონულ და რაიონულ დონეებზე. კლუბი, ძირითადად, სოციალურად დაუცველი მოსახლეობის პრობლემებით არის დაინტერესებული. რაიონული წარმომადგენლობების მეშვეობით კლუბი სწავლობს მრავალშვილიანი ოჯახების, ობოლ ბავშვთა, ახალგაზრდა ხელოვანთა პრობლემებს და ცდილობს მათ დახმარებას. კლუბის წევრებს მიაჩნიათ, რომ საზოგადოებრივ, კერძოდ კი, პოლიტიკურ ცხოვრებაში ქალთა მონაწილეობის დაბალი მაჩვენებელი სერიოზული პრობლემაა და ცდილობენ სხვადასხვა პროგრამის და აქტივობის განხორციელებით პარტიულ საქმიანობაში ქალთა ჩართულობის გაზრდას (ეს პროგრამები, ჩვეულებრივ, საერთაშორისო დონორი ორგანიზაციების მხარდაჭერით ხორციელდება: საერთაშორისო რესპუბლიკური ინსტიტუტი და იუნიფემი). კლუბის ინიციატივით განხორციელდა სასწავლო პროგრამები. კლუბში მიაჩნიათ, რომ, მიუხედავად ქალების დიდი სურვილისა, აქტიურად ჩაერთონ საზოგადოებრივ ცხოვრებაში, მათ აკლიათ სათანადო განათლება, უნარ-ჩვევები და გამოცდილება. ამავე კლუბის ინიციატივით განხორციელდა „დიასახლისთა პროგრამა“, რომელიც მიზნად ისახავდა საზოგადოებრივ ცხოვრებაში დიასახლის ქალთა მონაწილეობის გაზრდას, სხვადასხვა სახის კულტურული ღონისძიების ორგანიზებასა და საერთაშორისო ორგანიზაციების მიერ შემოთავაზებულ სასწავლო პროგრამებში მათ ჩართულობას.
Source: საქართველოს პოლიტიკური ლანდშაფტი: პოლიტიკური პარტიები: მიღწევები, გამოწვევები და პერსპექტივები / რედ.: გია ნოდია, ალვარო პინტო სქოლტბახი; [წინასიტყვ.: ვლადიმირ შკოლნიკოვი, იოს ვან კემენადე]; მშვიდობის, დემოკრ. და განვით. კავკ. ინ-ტი, ნიდერლანდების მრავალპარტ. დემოკრ. ინ-ტი, ეუთო-ს დემოკრ. ინ-ტებისა და ადამიანის უფლებების ოფისი - [თბ.]: CIPDD, 2006
to main page Top 10FeedbackLogin top of page
© 2008 David A. Mchedlishvili XHTML | CSS Powered by Glossword 1.8.9