სატელევიზიო კამპანიები

მედიის წამყვან როლზე ზემოთ უკვე იყო საუბარი. წინასაარჩევნო პერიოდში პარტიების მიერ მას-მედიასთან ურთიერთობაში ჩვეულებრივ გამოყენებულ მეთოდებს სატელევიზიო რეკლამების გაშვება ემატება. პარტიების ცენტრალური ოფისები პასუხისმგებელნი არიან მსგავსი რეკლამების დამზადებასა და ტელეკომპანიების ეთერში გაშვებაზე. ცხადია, ეს საკმაოდ დიდ ხარჯებთან არის დაკავშირებული და მხოლოდ ყველაზე „შეძლებული“ პარტიები ახერხებენ სატელევიზიო სარეკლამო კამპანიის ჩატარებას. მიუხედავად იმისა, რომ წინასაარჩევნოდ პოლიტიკურ პარტიებს უფასო სატელევიზიო ეთერი ეძლევათ, რომლის გამოყენება რეკლამისთვის შეუძლიათ, ის საკმარისად არ ითვლება და საარჩევნო ბიუჯეტის მნიშვნელოვანი ნაწილი სწორედ სატელევიზიო რეკლამებში იხარჯება.