ქრონიკული პროსტატიტი

წინამდებარე ჯირკვლის ქრონიკული ანთების კლინიკური მიმდინარეობა მრავალფეროვანია. ავადმყოფს ტკივილი ზოგჯერ არ აღენიშნება. ხშირ შემთხვევაში, საყურადღებოა შარდსადინარის გარეთა ხვრელის ბაგეთა მიწებება, მოთეთრო ფერის გამონადენი და შარდში მოფარფატე დაკლაკნილი ძაფები. ზოგიერთი ავადმყოფი უჩივის გახშირებულ შარდვას, წვას შარდვის დროს, ქავილს - ურეთრის, უკანა ტანისა და შორისის არეში. ასევე, აღინიშნება ყრუ ტკივილები წელის, გავისა და თირკმელების არეში, სათესლე ჯირკვლებში, ასოს თავსა და ქვედა კიდურებში. ავადმყოფს აწუხებს ტკივილი შარდვის დროს; სქესობრივი კავშირის დამყარებისას გამოხატულია სპერმის ნაადრევი დაქცევა,ზოგჯერ კი - ერექციის შესუსტება ან სრული იმპოტენცია.