ვეზირობია

ბავშვთა თამაშია: ორად გაპობილ მოკლე ჩხირს ზევით ისვრიან ხოლმე; ვინც ჩხირის ორივე ნახევარს პირაღმა დააჯენს, ის ხელმწიფეთ დადგება; ვეზირმა ეგევე ნახევრები პირდაღმა უნდა დააჯინოს; ვისაც შეეშლება, ე.ი თუ ერთი ნახევარი პირაღმა დააგდო და მეორე პირდაღმა, მას ვეზირი დაარტყამს ხელის გულზე ტატაბას იმდენს, რამდენსაც ხელმწიფე ბრძანებს; როგორც კი რომელიმე მოთამაშე გახელმწიფდება ან გავეზირდება, ძველს ჩამოართმევენ თანამდებობას და რამდენჯერმე ხელზედაც სტკუცავენ ხოლმე ტატაბას.