ქათმის ფერხვა

კალანდის (ახალი წლის) მეორე დღეს ქათმის დღეობა (გ. შარაშ.; ს. ჟღ.); ამ დღეს ფეხბედნიერი "ფერხავს ქათამს". ჯერ კიდევ გაავსებს დიდ მწარე ხაპს სიმინდის ან ღომის მარცვლებით და დაუყრის ქათმებს საკენკს. საკენკის ბნევის დროს მფერხავი დარბის და მღერის ამ სიტყვებით "ჯიჭი, ჯიჭი, ვარიკაო, გამოკეკე ყველაყაო, ასი დედალ, ასი მამალ, ასი მისი მოჩხოროზი". ამ სიმღერისას ქათმები მას ზურგში მისდევენ და კენკავენ დაყრილ მარცვლებს. ბოლოს მფერხავი გაჩერდება, მარცვლებით სავსე მწარე ხაპს ფეხით გატეხს, მარცვლები გადმოცვივა და იტყვის : ასე გამრავლდეს ჩემი ქათმებიო (ა. ღლ.).