ფასი თავისუფალი (საბაზრო)

1. ფასი, რომელიც ყალიბდება მოთხოვნა-მიწოდების გავლენით თავისუფალი კონკურენციის, მოქმედი საგადასახადო სისტემისა და ყიდვა-გაყიდვის აქტის მონაწილე მხარეთა ინტერესების თავისუფალი შეხების საფუძველზე. თავისუფალი (საბაზრო) ფასი შეიძლება იყოს: საბითუმო (გასაცემი) და საცალო (საქართველოს კანონი „ფასებისა და ფასწარმოქმნის საფუძვლების შესახებ“, მუხლი 1);
2. ფასი, რომელიც ყალიბდება შესაბამის ბაზარზე (სამუშაოს, მომსახურების) იდენტური (ხოლო მისი არარსებობის შემთხვევაში - მსგავსი) საქონლის (სამუშაოს, მომსახურების) მოთხოვნისა და მიწოდების ურთიერთქმედებისას იმ პირებს შორის დადებული გარიგების საფუძველზე, რომლებიც არ წარმოადგენენ ურთიერთდამოკიდებულ პირებს (საქართველოს „საგადასახადო კოდექსი“, მუხლი 27.1).