ფასიანი ქაღალდის სახეები

განასხვავებენ ფასიანი ქაღალდების შემდეგ სახეებს: საგადასახადო დოკუმენტები (ჩეკი, თამასუქი, აკრედიტივი და სხვ.), საფონდო ფასეულობები (აქცია, ობლიგაცია და სხვ.), ქონებრივი უფლებების დამადასტურებელი სხვა დოკუმენტები (კონოსამენტი, ლომბარდის საგირავნო ბილეთები, შემნახველი ბანკის წიგნაკები, ფულად-ნივთობრივი ლატარიის ბილეთები (რომელთაც მოგება ხვდათ და სხვ.). ფასიანი ქაღალდი შეიძლება იყოს სახელობითი და წარმომდგენზე. პირველ შემთხვევაში ქონებრივი უფლება მხოლოდ იმ პირს აქვს, რომელზეც რეგისტრირებულია ფასიანი ქაღალდი, ხოლო მეორე შემთხვევაში იმ პირს, რომელიც ფლობს ფასიან ქაღალდებს (ასეთ შემთხვევაში ივარაუდება, რომ ფასიანი ქაღალდის მესაკუთრეა, ის პირი, რომელსაც ხელთ აქვს ფასიანი ქაღალდის სერტიფიკატი).