კონტოკორენტი

1. შეთანხმება მუდმივ საქმიან ურთიერთობებში მყოფ მხარეებს შორის. შეთანხმების ძალით მხარეები კისრულობენ პასუხისმგებლობას, საქმიანი კავშირებიდან წარმოშობილი მოთხოვნები და გადახდები შეიტანონ ანგარიშზე და ანგარიშის დახურვამდე მიიჩნიონ ხელშეუხებლად. ანგარიშის ნაშთი (სალდო) ექვემდებარება გადახდას შეთანხმებულ ვადაში. თუ ანგარიშის დახურვამდე ის მხარე, რომელსაც ეკუთვნის თანხის ნაშთი, არ მოითხოვს გადახდას, მაშინ იგი შეიტანება კონტოკორენტზე (საქართველოს „სამოქალაქო კოდექსი“, მუხლი 906);
2. ანგარიში, რომელსაც ბანკი უხსნის თავის მუდმივ კლიენტებს მათ შორის ურთიერთანგარიშსწორებისათვის.