კოოპერატივის რეგისტრაციის პირობები

სამეწარმეო რეესტრში ჩანაწერი, რომელიც აუცილებელია ყველა საწარმოს რეგისტრაციისთვის (იხ. რეგისტრაციის პირობები ყველა საწარმოსთვის); მათ გარდა კოოპერატივის რეგისტრაციისთვის საჭიროა: საწესდებო კაპიტალის ოდენობა და საბუთი შესრულებული შენატანის შესახებ; ყოველი დამფუძნებელი პარტნიორის შესატანის ოდენობა, შესაბამისად წილი; ყოველი დირექტორის, ხოლო სამეთვალყურეო საბჭოს არსებობისას, აგრეთვე სამეთვალყურეო საბჭოს ყოველი წევრის სახელი, გვარი, დაბადების თარიღი და ადგილი, პროფესია და საცხოვრებელი ადგილი; დოკუმენტები დირექტორებისა და სამეთვალყურეო საბჭოს (თუ კი ასეთი არსებობს) წევრების დანიშვნის შესახებ; სამეწარმეო რეესტრში რეგისტრაციის შესახებ განაცხადს თან უნდა დაერთოს: საზოგადოების წესდება; არაფულადი შესატანით დაფუძნებისას შესატანის შეფასების დამადასტურებელი საბუთი; (საქართველოს კანონი „მეწარმეთა შესახებ”, მუხლი 5.4.3, 5.5).