მავნე ნივთიერებებით გარემოს დაბინძურებისათვის გადასახადით დაბეგვრის ობიექტი

დაბეგვრის ობიექტია:
1. მავნე ნივთიერებათა მასა დადგენილი ლიმიტის ფარგლებში:
ა) გამოფრქვეული ატმოსფეროში დაბინძურების სტაციონარული წყაროებიდან;
ბ) ჩაშვებული წყლის ობიექტებში აღნიშნული წყაროებიდან (მათ შორის კომუნალური საკანალიზაციო და სანიაღვრე კოლექტორებიდან);
2. გადამხდელების მიერ იმპორტირებული, აგრეთვე, საქართველოს ტერიტორიაზე წარმოებული და მიწოდებული ბენზინის, დიზელის, საწვავის, ნავთის, მაზუთის, ბუნებრივი და თხევადი აირის მოცულობა (გარდა საქონლის საწარმოებლად ნედლეულის სახით გამოყენებული ბუნებრივი აირისა);
3. გადასახადით არ იბეგრება ბენზინის, დიზელის, საწვავის, ნავთის, მაზუთის, ბუნებრივი და თხევადი აირის ექსპორტი (საქართველოს „საგადასახადო კოდექსი“, მუხლი 198).