Gk. monos ერთი + physis ბუნება მე-5 საუკუნეში კონსტანტინეპოლსა და ალექსანდრიაში წარმოქმნილი რელიგიურ-საღვთისმეტყველო სწავლება, რომლის მიმდევრები უარყოფენ ქრისტეს კაცობრივ ბუნებას და აღიარებენ მხოლოდ მის ღვთაებრივ ბუნებას. მართლმადიდებელი მსოფლმხედველობით მწვალებლური მიმდინარეობა, რომელიც მხილებულია და დაგმობილი მე-4 მსოფლიო კრებაზე. მონოფიზიტების წარმომადგენლები არიან სომხური, კოპტური და ეთიოპური ეკლესიები.
Source: მოხელის სამაგიდო ლექსიკონი / გაეროს განვითარების პროგრამა; [შემდგ.: სამსონ ურიდია და სხვ.; რედ.: ვაჟა გურგენიძე] - თბ., 2004 - 483გვ.: ცხრ.; 24სმ. - (საჯარო მოსამსახურის ბ-კა). - ISBN 99940-0-063-2: [ფ.ა.]