ბიუჯეტში აუცილებელი გადასახდელი, რომელსაც იხდიან ფიზიკური და იურიდიული პირები სახელმწიფოს მიერ მათთვის კანონით განსაზღვრული საქმიანობის განხორციელების და/ან სარგებლობის უფლების მინიჭებისთვის, აგრეთვე, სახელმწიფო ორგანოების მიერ გაწეული გარკვეული მომსახურებისთვის. მოსაკრებლების სახეებია: საბაჟო; სალიცენზიო და სანებართვო; სახელმწიფო სერტიფიკატის, სარეგისტრაციო, სახელმწიფო საექსპერტიზო მოსაკრებელი; სახელმწიფო ბაჟი; საკონსულო; მიგრანტთა ინსპექტირების; თანამდებობის პირთა დეკლარაციების და თანდართული მასალების ასლების გადაღების; სატენდერო; ავიამგზავრთა მომსახურების; სააღსრულებლო; ლატარიებისა და სხვა მომგებიანი თამაშების მოწყობაზე მომსახურების მიზნობრივი; სამხედრო სავალდებულო სამსახურის გადავადების; საკარანტინო მომსახურების მოსაკრებელი. შემოღების წესის მიხედვით მოსაკრებლები შეიძლება იყოს საერთო-სახელმწიფოებრივი და ადგილობრივი (საქართველოს კანონი „მოსაკრებლების სისტემის საფუძვლების შესახებ“, მუხლი 1, 5).
Source: მოხელის სამაგიდო ლექსიკონი / გაეროს განვითარების პროგრამა; [შემდგ.: სამსონ ურიდია და სხვ.; რედ.: ვაჟა გურგენიძე] - თბ., 2004 - 483გვ.: ცხრ.; 24სმ. - (საჯარო მოსამსახურის ბ-კა). - ISBN 99940-0-063-2: [ფ.ა.]