ნათლისღება

უფლისა ჩვენისა იესო ქრისტეს გაცხადების დღე - ერთ-ერთი უმთავრესი ქრისტიანული დღესასწაული. ამ დროს წმ. იოანე ნათლისმცემელმა მდინარე იორდანეში მონათლა ძე ღვთისა იესო ქრისტე, წყლიდან ამოსულ იესოს სულიწმიდა მტრედის სახით დაადგა თავზე: „და გარდმოხდა მასზედ სულიწმიდა ხორციელი სახით, როგორც მტრედი და გაისმა ზეცით ხმა: „შენ ხარ ჩემი საყვარელი ძე, რომელიც მოვიწონე მე“ (ლუკა 3,22); ამ დროს ღმერთის სამი პირი განცხადდა წმ. სამებით, ამიტომ ნათლისღებას ღვთის გაცხადებასაც უწოდებენ; ნათლისღების დღე 19 იანვარი გამოცხადებულია უქმე დღედ (საქართველოს შრომის კანონთა კოდექსის 64-ე მუხლი).