რეესტრის (სახელმწიფო) სახეები

სახელმწიფო რეესტრის სახეებია:
ა) სამოქალაქო რეესტრი;
ბ) კერძო სამართლის არასამეწარმეო (არაკომერციული) იურიდიული პირების რეესტრი;
გ) მოქალაქეთა პოლიტიკური გაერთიანებების (პარტიების) რეესტრი;
დ) ლიცენზიებისა და ნებართვების რეესტრი;
ე) მაკონტროლებელ ორგანოთა რეესტრი;
ვ) ნორმატიული აქტების რეესტრი;
ზ) საჯარო რეესტრი. სხვა სახის სახელმწიფო რეესტრის წარმოება დასაშვებია კანონით პირდაპირ განსაზღვრულ შემთხვევაში.
სახელმწიფო რეესტრის მწარმოებელი ორგანოები არიან:
ა) საქართველოს იუსტიციის სამინისტრო;
ბ) სამინისტროს სახელმწიფო რეესტრის მწარმოებელი ტერიტორიული ორგანო;
გ) სამინისტროს მმართველობის სფეროში შემავალი საჯარო სამართლის იურიდიული პირი - საჯარო რეესტრის ეროვნული სააგენტო („სახელმწიფო რეესტრის შესახებ“ საქართველოს კანონი, მუხლი 2, 10).