ხელშეკრულება თავდებობის

1. ხელშეკრულება, რომელიც როგორც წესი ფორმდება ბანკსა და თავდებს (იურიდიულ პირს) შორის, რის საფუძველზეც თავდები იღებს ვალდებულებას დაფაროს მსესხებლის დავალიანება კრედიტორისადმი დათქმულ ვადაში. შეიძლება მიეთითოს ის მაქსიმალური თანხა, რომელსაც თავდები დაფარავს. თავდებობა ჩვეულებრივ გამოიყენება მოსახლეობისთვის გრძელვადიანი სესხის გასაცემად. მსოფლიო პრაქტიკაში თავდები შეიძლება იყოს ფიზიკური პირიც, თუ მას აქვს სამუშაო, სტაბილური შემოსავალი ან გარკვეული ქონება (მიწის ნაკვეთი, აგარაკი, ავტომანქანა). თავდებობა უპირატესად ფორმდება სანოტარო წესით;
2. ხელშეკრულება, რომლის მიხედვითაც თავდები კისრულობს ვალდებულებას, თავდებად დაუდგეს კრედიტორის წინაშე მესამე პირს ამ უკანასკნელის ვალდებულების შესაბამისად. თავდებობა შეიძლება გამოყენებულ იქნეს აგრეთვე სამომავლო და პირობითი ვალდებულებებისათვის (საქართველოს „სამოქალაქო კოდექსი“, მუხლი 891).